Каз өмәсе- халкыбызның бик үзенчәлекле йоласы. Татар халкының әллә никадәр рухи байлыгын үзенә туплаган иң матур бәйрәмнәрнең берсе ул .Күгәрчен авылында "Ак калфак" фольклор ансамбле кызлары татар халкының иң матур йоласын тергезделәр. Бергә җыелып әби-бабаларыбыздан калган йола-гадәтне кабат искә төшерде, бер гаилә булып каз йолкыды, сөйләшеп, гапьләшеп күңел ачты, халкыбызның яраткан җырларын җырлап күңелле, истәлекле мизгелләр кичерделәр.